കടവരാന്തയില്,
ഞാന് പറഞ്ഞു.
"നടക്കാം നമുക്കിനി,
രൂക്ഷമല്ലീ മഴ;
കൈയാല് മറയ്ക്കാം,
മഴത്തുള്ളികള്.
ചിരിച്ചും,
ചുണ്ടില് കനലെരിച്ചും,
തോളോടുതോള് ചേര്ന്ന്,
ഇരുളാര്ന്നൊരീ വഴിയിലൂടെ."
കണ്ടില്ല ഞാന്,
ഒരു മാത്രപോലും,
കാറ്റില് ഇളകിയാടുന്ന,
കറുത്ത മേലങ്കികള് .
*********************************
കേട്ടത്
വാക്കിന്റെ ഇടിമുഴക്കങ്ങള്,
കണ്ടത്
ഇത്തിരി വെട്ടത്തിന്റെ,
മിന്നലാട്ടങ്ങള്.
*********************************
ഇല്ലെനിക്കിപ്പോള് ഒട്ടുമേ ഓര്മ്മകള്;
കുറ്റബോധത്തിന്റെ കാണാകയങ്ങളില്,
കൈയുയര്ത്താതെ മുങ്ങുന്നു ഞാന്.
കാഴ്ചകള് കുടുങ്ങിക്കിടക്കുന്നു,
അവന്റെ മുതുകിലും നെഞ്ചിലും,
അടിനാഭിയിലും തറഞ്ഞ
നനുത്ത ലോഹങ്ങളില്
ഞാന് കണ്ട
പകയുടെ പത്തിയില്.
1 അഭിപ്രായം:
"കുറ്റബോധം" aarkanu eshtamawuka.......alle, sorry angeekarikuka........
....Good One Retheesh,
ഒരു അഭിപ്രായം പോസ്റ്റ് ചെയ്യൂ