പൊട്ടി വീണ കണ്ണാടി പോലെ
എട്ടുകാലി വലയില്ക്കുടുങ്ങിപോയ മഴ;
അതില് വര്ണരാജി തീര്ക്കുന്ന സൂര്യന്.
അടുപ്പിനു മുകളിലെ കെറ്റിലില് നിന്നും,
ഉയരുന്ന പുകച്ചുരുളുകള്.
നനഞ്ഞ തുണിയുടേയും
തണുത്ത മരത്തിന്റെയും
ചായയുടേയും മണം.
തിരശ്ശീലയ്ക്കപ്പുറം;
എന്റെ കളിയിടങ്ങള്
കീഴടക്കാന് വെമ്പുന്ന,
കടലാസ് നൗകകള്.
തോടുകള് നിറഞ്ഞപ്പോള്
കണ്ടെടുത്ത ചൂണ്ടക്കൊളുത്ത്.
കാറ്റില് കൊട്ടിയടയ്ക്കപ്പെടുന്ന,
ജനല്പ്പാളികള്.
ജീവിതത്തിന്റെ
ഒട്ടിപോയ താളുകള്ക്കിടയില്,
വിരല് കടത്തി, വിടര്ത്തി,
ജൂണ്, എനിക്ക് തന്ന സമ്മാനം;
ഓര്മ്മകളുടെ വേലിയേറ്റം.
ഇറവെള്ളം വീഴുന്ന ശബ്ദത്തില്
എന്റെ ബാല്യം പ്രതിധ്വനിക്കുന്നു.
2 അഭിപ്രായങ്ങൾ:
daaa, kiduu...........
as ur writing goes on............varikal kooduthal sakthi aarjikkunu, becomes more precise, more comprehensive............greattt dude...........i, we adore u....
Retheesh,
HEAVY RAIN INSIDE.............
Ormakalude, malavella pachil.......sakthamaya adiyozhukk............lokavasanam, nohayude pettakam
ഒരു അഭിപ്രായം പോസ്റ്റ് ചെയ്യൂ