കാഴ്ച

അക്ഷരങ്ങളുടെ ജ്യാമിതി,
വിടരാനിരിക്കുന്ന  പൂമൊട്ടുകളുടെ ആകൃതി,
പൂമ്പാറ്റകളുടെ ചിറകില്‍  കണ്ടിരുന്ന,
ചെറിയ ചുവന്ന വട്ടങ്ങള്‍.
കടല്‍ത്തീരത്തെ  അലങ്കാര  വിളക്കുകളുടെ
കൂര്‍ത്ത  വായ്ത്തല.
രൂപ നോട്ടുകളില്‍ ഞാന്‍ എണ്ണിയിരുന്ന നേര്‍ത്ത വരകള്‍,
അവളുടെ ചുണ്ടിനുമീതെയുള്ള
ആ കറുത്ത മറുക്......

നഷ്ടങ്ങള്‍  ഓരോന്നായി തുടങ്ങിയതും
എന്‍റെ കാഴ്ച,
കണ്ണിനും കണ്ണടയ്ക്കുമിടയിലേക്ക് ചുരുങ്ങിയതും
കോരിച്ചൊരിയുന്ന ഒരു മഴക്കാലത്താണ്.